Kelaya Sipî Hesarî bajarekê Çemçemalî de ya û goreyê cigêrayîşan dewrê kerrayan de virazîyaya.  Serra 2010î de tîmêka almanan tîya de cigêrayîşî kerdî. Netîceya cigêrayîşan de ame sereraştkerdene ke na kela wextê kerrayan ê kanzayî de virazîyaya.

2012 de zî Şaredarîya Silêmanî Zanîngehê Viyana û Berlinî reyde Kelaya Sipî Hesarî de tay cigêrayîşî kerdî. Nê cigêrayîşî zî mojnenê ke kela Mîladî ra 5 hezar serrî verî ameya awankerdene. Kela heta nika dewranê sey Îslamî, Sasanî û heta Asûrîyan xeylêk dewran rê meymanîye kerde.

Seba ke cigêrayîşê zaf holî nêameyî kerdene nêzanîyeno ke çend tarîx û komelî na kela ser de ciwîyayê. Heyf ke no cayo tarîxî bîyo cayê çopan û ameyo texrîbkerdene.

Şikl û berzîya ci ra fam beno ke kela seba pawitişî û ciwîyayîşî virazîyaya. Kela pê dêsanê berzan girewte ya.

Kela seba ke nêna pawitene xera bîyo. Xeylêk cayê tarîxî yê Başûrî peygoşîya hukmat û şarê herême ra rijîyenê.