Şarê Kerkûkî warê Sîwesûrî de Newroze bi coşêkê girdî pîroz kerde. Şayîya Newroze de sloganê sey “Biciwîyo xoverdayîşê Leyla Guvene”, “Biciwîyo xoverdayîşê zindanan”, “ Biciwîyo Rayber Apo” û “Biciwîyo Gerîlla” ameyî eştene.
Kerkûk de şar birojano ke amadekarîya Newroze keno. Şarê Kerkûkî, ewro warê Şîwesûrî de dest bi pîrozkerdişê Newroze kerd.
Newroze hetê Têgêrê Azadîye ra bi şîarê ”Ma do bi ruhê Şêladizê faşîzmî birijnê, yewîya neteweyîye awan bikê”ame organîzekerdene. Meydanê Newroze de seyan kesan sloganê sey “Biciwîyo xoverdayîşê Leyla Guvene”, “Biciwîyo xoverdayîşê zindanan”, “ Biciwîyo Rayber Apo” û “Biciwîyo Gerîlla” eştî. Pirozbahîye de qiseykerdişî ameyî kerdene. Çarçewayê programî de Koma Dîcle, hunermend Rotînda, Hanî, Berhem Şemamî, Koma Efrîn û hunermendanê Kerkûkî zî bi deyîranê xo rengê xo şayîya Newroze. Şayî dormeyê adirî de bi govenda azadîye dewam kerde.
