Keyeyê Şenyaşaro ke endamê ci hetê merdimanê wekîlê AKPyî ra kişîyayî semedê edaletî 10 rojî yo verê edlîyeyê Riha de çalakîya roniştişî keno. Keyeyî vay: ''Ê wazenê pê rayîrê hukmî serê qirkerdişî bigêrê.''
Emîne Şenyaşara ke mêrde û 2 lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferîtî reyde 10 rojî yo verê edlîyeyê Riha de semedê caardişê edaletî çalakîya roniştişî kena.
Keyeyê Şenyaşarî twitterî de na eşkerayîye daye: ''Nêweşxaneyê Pirsûsî de ma kişîyayî. Wekîl Yildiz tedaya hukmî keno û wazeno ke pê rayîrê hukmî qirkerdişêkê bînî bikero. Ma do têkoşînê xo yê edaletî qîrenê. Êyê ke vengê ma berz kena ma înan selam kenê.''
Çalakîya keyeyê Şenyaşarî verê Edlîyeyê Riha de dewam kena.
