Gerîlayê HPGyî Kamuran Ataman (Şoreş Betuşşebab) û Ergîn Durmuşî (Bawer Elkê) yê hêrişê îşxalî yê artêşa tirke yê vera Herêmanê Pawitişî yê Medya de Garê de şehîd bîyî tehzîyeya înan yena astengkerdene. Polîsan keyeyê nê wird şehîdan girewtî binê ablûqa.

Taxa Elkî ke keyeyê Ataman û Durmuşî tede ronişenê de polîsî destûr nêdanê şar nê keyeyan semedê tehzîye zîyaret bikero. Wird keyeyî zî binê ablûqaya polîsan de yê.

Apê gerîlayê HPGyî Durmuşî hetê polîsan ra ame vindarene û ci cezaya pereyî ameye birnayene û ame tehdîtkerdene.

Wird keyeyê ke binê ablûqaya polîsan de yê dekewtiş û vejîyayîşê înan yeno astengkerdene.