Merkezê Îrtîbatî û Çapemenîye yê HPGyî nasnameyê gerîlayanê ke hêrişê îşxalî yê vera Garê de şehîd bîyî eşkera kerdî.

Eşkerayîye wina ya:

''Eşkerayîya Fermandarîya Qerargehê Merkezê Pawitişî yê Şarî ya 17ê sibate de bîlançoya hêrişê îşxalî yê vera Garê yê mabênê 10-13ê sibate ameyebî eşkerakerdene û amebi vatene ke badê zelalbîyayîşî nasnameyê şehîdan do bêrê parekerdene.

Nasnameyê hemrayanê ma yê ke şehîd bîyî wina yê:

Nameyê Qodî: Şoreş Beytuşşebab Name û Peyname: Kamuran Ataman Cayê Bîyayîşî: Şirnex Maye-Pî: Nazdare - Sabrî Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Cûdî Serhat Name û Peyname: Nedîm Kiliç Cayê Bîyayîşî: Qers Maye-Pî: Ferîde - Nesîm Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Bawer Elkê Name û Peyname: Ergîn Durmuş Cayê Bîyayîşî: Şirnex Maye-Pî: Hatîce - Sadî Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Erdal Rojhilat Name û Peyname: Erselan Xanîzade Cayê Bîyayîşî: Kotol Maye-Pî: Esmere - Mihyeddîn Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Argeş Ronî Name û Peyname: Sefkan Kaya Cayê Bîyayîşî: Mêrdîn Maye-Pî: Gultekîne – Mehmet Zekî Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Avareş Van Name û Peyname: Gokhan Kol Cayê Bîyayîşî: Wan Maye-Pî: Nazîme - Sedrettîn Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Rojhat Musyan Name û Peyname: Bayram Elhaman Cayê Bîyayîşî: Amed Maye-Pî: Aytene - Şadîn Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Xeyrî Çewlîk Name û Peyname: Emrah Ordu Cayê Bîyayîşî: Çewlîg Maye-Pî: Sidika - Îbrahîm Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Delîl Kobanî Name û Peyname: Ewnî Mahmud Cayê Bîyayîşî: Kobanî Maye-Pî: Zelîxe - Hîkmet Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Xabûr Dêrik Name û Peyname: Cabbar Îsmaîlî Muhammed Cayê Bîyayîşî: Dêrik Maye-Pî: Besê - Îsmaîl Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Rêber Kobanî Name û Peyname: Îbrahîm Muhammed Osman Cayê Bîyayîşî: Kobanî Maye-Pî: Zehra - Muhammed Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Seydo Refîk Name û Peyname: Hogir Nesan Cayê Bîyayîşî: Efrîn Maye-Pî: Mewlude - Mustafa Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Seyfî Polat Name û Peyname: Ferhat Aslan Cayê Bîyayîşî: Wan Maye-Pî: Fatma - îkram Tarîx û Cayê Şehadetî: 10 – 14ê Sibate 2021 / Garê

 

Nameyê Qodî: Arhat Amed Name û Peyname: Mehmet Alî Algor Cayê Bîyayîşî: Wan Maye-Pî: Rabîa - Ramazan Tarîx û Cayê Şehadetî: 10 – 14ê Sibate 2021 / Garê

 

10ê sibate de serê sibayî artêşa tirke vera Garê hêrişê îşxalî dayî destpêkerdene û 13ê sibate de şewe remaye. Nê hêrişan de netîceya xoverdayîşê şehîdanê ma yê çêran de artêşa tirke bi hawayêkê giranî bin kewte û derso tarîxî da.

Kampa esîran de xoverdayîşo destanwarî 

10ê sibate de berpirsîyarê kampa esîran Şoreş Beytuşşebab zaf rew pê hêrişan hesîya û dima zî cayê îşxalkeran tesbît kerd pa embazan da înan ro. Îşxalkeran xo apey ant û narey kampe daye bombayan ver. Embazanê ma seba ke kampe û esîran bipawê xoverdayîşêko pîl kerd û bi rojan vera dişmenî şer kerd. Artêşa tirke ya îşxalkera ke pê gerîlayanê azadîye nêeşkaye 3 rojan pêser kampa esîran daye bombayan ver û dima zî gazê kîmyewî şuxilnayî. Fermandarîya embaz Şoreş Beytuşşebabî de embazanê ma Cûdî Serhat, Bawer Elkê, Erdal Rojhelat, Argeş Ronî û Avareş Wanî bi hawayêkê tarîxî  dişmen bin kerd û şehîd bîyî.

Pê ruhê fedayî yê Rayber Apoyî şîyî serê dişmenî

Dewleta tirke ya qirkere 10ê sibate de xîret kerd ke bi hawayêkê hîrayî Garê îşxal bikera la têkoşînê hêzanê ma ra dima înan warê Sîyanê û dormeyê ci de leşkerî ardî wa nê warî de teng bîyî. Bi desan teyarayê şer û keşfî seba ke nê leşkeran bipawê 24 saetan serê hewayî de fetilîyayî la nêeşkayî binkewtişî ra bixelisê. Gerîlayanê ma dişmen warê Sîyanê de teng kerd û xeylêk derbî da piro. Embazê ma Rojhat Musyan Sîyanê de pê çêrî şi serê dişmenî, rixmê bombarduman û teknîkê dişmenî derbe daye dişmenî piro û bi xo îşxalkerî garêkê Sîyanê ra eştî. Embazanê ma Rojhat Musyan, Xeyrî Çewlik, Delîl Kobanî, Xabûr Derik û Rêber Kobanî pê ruhê fedayî yê Rayber Apoyî  ceza daye artêşa tirke ya îşxalkere û înan rê faturayêka pîle birnaye. Embaz rojhat, Xeyrî, Delîl, Xabûr û Rêber bi nê hawayî bîyî çêrê meydanê cengî.

Embaz Seydo Refîkî zî warêkê bînî yê menzîlî de Garê dişmenî rê kerde teng û verê vilabîyayîşê îşxalkeran girewt. Embazê ma Seydo bombardumanêkê hêrişanê vera Garê de şehîd bi.

Hêzanê Şehîde Delale kampe de sûcê merdimîye îsbat kerd

Hêzanê Pawitişê Hewayî yê Şehîde Delale xoverdayîşê Garê de rolêko pîl ard ca. Nê hêzanê ma kerdişê artêşa tirke ya îşxalkere hewayî ra girewtî, kerdî dokument û nê dîmenî zî rayaumûmîye reyde pare kerdî. Hêzanê Şehîde Delale sûcê merdimîye yê artêşa tirke ya vera kampe qeyd kerd. 

Gerîlayan erdî ra Hêzanê Pawitişê Hewayî zî hewayî ra artêşa qirkere teng kerde. Bi taybetî 12-13ê sibate de Hêzanê Pawitişê Hewayî pêser çalakîyî kerdî û xeylêk îşxalkerî ceza kerdî. Gerîlayanê azadîye reya verêne hem hewa hem zî erdî ra têkoşîn kerd ke no tarîxê ma de yewin o. Hêzanê Pawitişê Hewayî xoverdayîşê Garê de pê şehîdanê xo mojna ke ê xeta Şehîde Doga Jiyan de şinê. Fermandar Seyfî Polat û embazî Arhat û Gelhatî yê Hêzanê Pawitişê Hewayî Garê de wezîfeyê xo ser o şehîd bîyî. Nasnameyê Gelhat Tolhildan verî rayaumûmîye redye amebi parekerdene. Ma do sey gerîlayanê azadîye xo û Hêzanê Pawitişê Hewayî aver berdê û bibê teqîbkerdoxê şehîdanê xo.

Nê şerê Garê yê 4 rojan de bi hawayêkê qetî ame tesbîtkerdene ke 42 îşxalkerî ameyî cezakerdene. Xoverdayîşê Garê de bi desan îşxalkerî birîndar bîyî, 2 Skorskîyan derbî werdî. Nê xoverdayîşî de kampa esîran a Sîyanê de 6, pêkewtişan de 5, hêrişê hewayî de 1, serê wezîfeyê xo de 3 bi temamî 15 embazê ma şehîd bîyî.

Şehîdanê ma pê îrade, bawerî û westetîya şerî cewabî dayî

Şehîdanê ma vera teknolojî û teknîkê şerî pê îradeyê milîtanîya Rayber Apoyî, bawerîyêka pîle û westetîya şerî cewab da îşxalkeran û xoverdayîşêko pîl mojna. Embazanê ma hêrişê AKP-MHPyî yê vera Garê şiknayî, artêşa îşxalkere bin kerde, binkerdişê Garê îşxalkeran rê kerd destpêkê peynî û şehîd bîyî. Nê embazê ma yê şehîdî afernayoxê raştikênî yê xoverdayîşê Garê yê. Ma seba nê serkewtişî deyndarê şehîdan ê.

Sere de Fermandarê fedayî yê xoverdayîşê Garê embaz Beytuşşebab ma şexsê embazanê xo Cûdî Serhat, Bawer Elkê, Erdal Rojhilat, Argeş Ronî, Avareş Van, Rojhat Musyan, Xeyrî Çewlik, Delîk Kobanî, Xabûr Dêrik, Rêber Kobanî, Seydo Refik, Seyfî Polat, Arhat Amed û Gelhat Tolhildanî de pêro şehîdanê xo bi rêzdarî û minetî yad kenê. Sere de keyeyanê ercîyayeyan ê şehîdanê xo rê ma pêro şarê welatperwerî yê Kurdîstanî rê serweşîye wazenê. Şehîdanê ma taktîkê dewrî, metodê têkoşînî,  tewiro fedayî yê Rayber Apoyî û ruhê hêrişê pîlî mojna, heta nefesê xo yê peyênî şer kerd. Înan perspektîfê têkoşînî yê azadîya welatî û Rayber Apoyî zî pêşkêşê ma kerd. Ma soz danê ke ma do bibê perwerê xet û vîrameyîşanê embazan ê şehîdan û armancanê înan bîyarê ca.''