Kiştoxê Endamê DEM Partî Gunî vera dîyayî
2 kesanê ke bajarekê Sêgirkê de Endamê DEM Partî Ahmet Gun qetil kerdbî, derheqê înan de bira veradîyayîşî ameye dayene.
11ê kanûna 2023yî de bajarekê Sêgirkê ya qezaya Qilebanî ya Şirnexî de endamê Melîsê Şaredarîya Sêgirkê û Endemê DEM Partî Ahmet Gun hêrişêkê çekdarî de amebi qetilkerdene. Hêriş de lajê Gunî Abdurrahîm Gun bi giranî birîndar bibi û Mahmut Gun zî bê birîne xelisîyabi.
Serebûtî ra dima tehqîqat dîyabi destpêkerdene. Çarçewa tehqîqatî de qoricîyo teqawutbîyey Enver Babat û Ebubekîrt Babat tepişîyabî.
Goreyê agahîyanê ke keyeyê Gunî dayê Enver Babat û Ebubekîrt Babat vera dîyayê û Zîndanê Şirnexî ra vejîyayê.
