Komîteya Perwerdeyî ya KJKyî derheqê hedefgirewtişê Mizgîn Yalçina ke qezaya Farqînî ya Amedî de mamosteya kurdkî ya, eşkerayîye daye û nê vatî:

"Dewleta tirke sîyasetê xo yê înkar û asîmîlasyonî narey zî bi hêrişê lînçî yê vera mamosteya kurdkî Mizgîne Yalçin ramojna. Dewleta tirke seba ke rîyê xo yê faşîstî binimno û serê hêrişanê xo yê vera kurdan bîgêro  26ê çeleyê 2021î de dersa ziwan û perwerdeyê kurdkî qebul kerd. Mamoste Mizgîne Yalçin gama ke serê wezîfeyê xo de wendekaranê xo rê bajarê kurdan dayene şinasnayene raştê hêrişê şovenîst û antî-demokratîkî ameye. Tay fakulteyanê Vakurê Kurdîstanî de beşê kurdolojî bîyî a û nînan ra her serre bi seyan namzedê mamosteyê ziwanê kurdkî mezûn benî la nînan ra qet kesêk nîno tayînkerdene. Êyê ke yenê tayînkerdene zî sey mamoste Mizgîne serê wezîfeyê xo de raştê hêrişî yenê.

Şarê kurdî yo ke bi têgêrayîşê ke hetê Rayber Apoyî ra ame ronayene bîyo zanaye, bîyo wayîrê têgêrayîşî bi têkoşîn û xoverdayîşî sîyaset û hêrişê dewleta tirke betal kerdî. Serre de cinî û dayîke ganî komelê ma vera zîhnîyetê asîmîlasyonîst-qirkerî bêveng memano. Ganî têkoşîn dahîna bêro xurtkerdene. Ganî her wextî ra zafêr wayîrê ziwan û kulturê xo bivejîyo. Sey her helqeya tîje ganî kurd kurdkî qisey bikero, kurkî binus, kurdkî bifikîrîyo  û her warê cuya de wayîrê nasnameyê xo yê estbîyayîşê bivejîyo. Sere de pêro mamosteyê cinîyî, kedkarî, merkezê ziwan û edebîyatî û roşnvîrê kurdan ganî wayîrê heqanê komelê xo bivejîyê. Seba ke Tirkîya de heqê ziwanê dayîke bêro destfînayene, heme astengkerdişî bêrê wedaritene sey wezîfeyê neteweyî, bêmabên çalakîyî bêrê xurtkerdene, ganî bi qerardarîye û hêzî wayîrê ziwan û kulturê xo bivejîyo."