Koordînasyonê KJKyî bi wesîleya Roşanê Newroze eşkerayîyêke daye. Eşkerayîye wina ya:

KJKyî Newroza Rayber Apoyî, gerîlayan, cinîyan, ciwanna, şehîdan û pêro şarê kurdî fîraz kerde û vat: ‘’Na  Newroze seke ronesanê cinîyan, şaran û şarê kurdî yo. Ma wina bawer kenê ke şarê ma na Newroze de serkewtişanê pîlan do bivisno destî û bikerê destpêkê têkoşînî.

Şarê kurdî binê Zagrosan de 2637 serrî verî bi adirê Kawayî vera koletîye sere wedarit û Dehaqo zalim bin vist, xo xelisna. Ewro no şarê kurdî bi wesîleya felata şaranê Rojhelatê Mîyanênî zî û serkêşîya şaran keno. Coka Vengdayîşê ‘Haştîye û Komelê Demokratîkî’ Kurdîstan, Rojhelatê Mîyanênî û dinya de sey hêvîyêka cuya azade ame pêşwazîkerdene.

Hêzanê rejîmê qirkerdişî Kobanê de bi qirkerdişî cewab da na hêvîya haştîye û azadîye. Serranê peyênan de Newrozan de Helebçe, taxa Gazî, Qamişlo û Efrîn de zî qirkerdişî ameybî kerdene. Ewro zî şarê ma rê qirkerdiş yeno ferzkerdene. Vera nê ferasetê qirkerdişî cewabo tewr manadar famkerdişê têkoşînê nê dewrî yo. Bi na wesîle ma şehîdanê Helebçe, Qamişlo, Gazî, Efrîn û Kobanê yad kenê û soz danê ke heta ke no rejîmo qirkerdiş birijîyo ma do qerardarîya têkoşînî berz bikerê.

Newroze yena manaya xonewekerdiş, xoverdayîşî û cuya xoverdayîşî ya mende. Adirê xoverdayîşê şarê ma serkêşîya Rayber Apoyî, qehremananê pîlan û şehîdan de 52 serrî yo bi hawayêkê bêmabênî resayo nê rojan. Ma şexsê şehîdanê Newroze de Mazlûm Dogan, Zekîye Alkan, Rahşane Demîrel, Bêrîvane-Ronahî û Sema Yuce de pêro şehîdanê xo bi minet û rêzî yad kenê.

Rayber Apo cuya xo sey newerabîyayîşê komel û cinîyan pênase lerd û şaro ke beno Newroze aferna. Newroze vera koletîye azadîye, vera çinbîyayîşî estbîyayîş o. Ma prosesêkê zaf tarîxî ra derbaz benê. Rayber Apoyî bi manîfestoyê ‘Haştîye û Komelê Demokratîkî’ têkoşînê vera înkar û îmha tacîdar kerd.  Rayber Apoyî estbîyayîşê şarê ma da qebulkerdene, çareserîya meseleyanê asayîş û azadîye resnayî safhayêka bîne û destpêkêko newe da kerdene. No yeno manaya Newrozêka tarîxî ya newîye û xoverdayîş û bîyayîşo newe.

Coka Newroza verê ma bena destpêkê prosesê têkoşînê neweyî. No dewr dewrê şikldayîşê Komelê Demokratîkî yo ke tede cinî, şar, bawerî û pêro bindestî bi azadî û têdûştî do biciwîyê. 

Heta ke ferasetê ‘serewedaritişanê kurdan çin bikerê, Rayberanê înan îmha bikerê’ nêqedo herême û dinya de haştîye mumkîn nîya. Şarê ma vera nê ferasetî prosesê Komployê 15ê Sibate de bi şîarê ‘Şima nêeşkenê tîja ma tarî bikerê’ xover da, raştîya xo mojnaye. Ewro azadkerdişê Rayberîye hedefê nê dewrî yo esas û îfadeyê çareserîye yo. Şîarê Newroze ‘Rayberîya Azade, Komelo Demokratîk’ prosesê verê ma de do berz bikero û bibo şîarê têkoşînê ma.

Coka ma do Newroza 2025î de têkoşînê azadkerdişê Rayberîye û serra serkewtişî. Seba ke ma nê îradeyî bi temamî bimojnê venga pêro cinî, ciwan, doman, dost, azadîgîr û demokratan danê ke bêrê adirê Newroze pîlêr bikerê û îradeyê Newroze ser bivisnê.Wa her kes biheriko waranê Newroze, seba demokrasîyî biqîrê û startê têkoşînê azadkerdişê Rayber Apoyî bidê. Na Newroze wa biba peymana qetîkerdişê azadîya şaran û cinîyan û pêresnayîşê Rayberîye. 2637 serran ra dima na Newroze wa biba mijdanîya serkewtişê cinî û şaran. Nê esasî ser o ma Newroza şarê ma û şaran xeta şarî û kesayetê azadî ya Rayber Apoyî de selam kenê û fîraz kenê.’’