Koordînasyonê KJKyî bi wesîleya 1ê Êlule Roja Haştîye ya Dinya eşkerayîyêke daye û vat: ''Wa no 1ê Êlule yo peyên bo ke cinîyî yenê qirkerdene û şerî yenê kerdene! Ma vera pêro hêzanê îşxalkeran xo rêxistin bikerê. Wextê ci yo ke ma vera îşxalî vinderê.''
Koordînasyonê KJKyî bi wesîleya 1ê Êlule Roja Haştîye ya Dinya eşkerayîyêke daye. Eşkerayîye wina ya:
''Ma 1ê Êlule Roja Haştîye ya Dinya yê cinî, bindest û kedkaran bi qerardarîya awankerdişê cuya têdûşte fîraz kenê. Ma do seba ke dinya bikerê cayêkê haştîye û azadî têkoşîn û xoverdayîşê xo pîlêr bikerê.
Ma şehîdanê xo yê ke seba haştî, azadî têkoşîn kerd bi mînet û hûrmetî yad kenê. Ma seserra 21. bi hesretê wayûbiratî, azadî û haştîye pêşwazî kerde la yeno waştene ke seserra 21 biba seserra alozîye û şerî. Hêzanê Modernîteya Kapîtalîste û polîtîkayanê netew-dewletan Rojhelato Mîyanên kerd meydanê şerî. Sîstemê serdestîya camêrdan, kerdişê cînsîyî, polîtîkayê tecawuzî warê cuye û sîyasetî rê tesîr kenê. Komel, cinî, azadî û demokrasî yenê qirkerdene.
Pêro dinya de bi taybetî Tirkîya de vera cinîyan bi hawayêkê sîstematîkî hêrişî yenê kerdene. Bi taybetî Tirkîyaya tecawuzkere de qirkerdişê cinîyan asta tewr berze de yo.
Ma do seserra 21. bi rêxistinbîyayîşî bikerê seserra cinîyan. Cinîyê ke vera tecawuzan û wedaritişê Peymana Îstanbulî meydanan de yê, qerardarîya xo ya seba naye mojnenê.
Rejîmê AKP-MHP-Ergenekonî ho prosesê rijîyayîşî de yo. Îqtîdar no proses bi îşxalê Heftanînî kerd lez. Îqtîdar sey polîtîkaya îşxal û qirkerdişî Rayberê ma tecrîd keno. No tecrîd hêrsê şaran zêdîneno. Rejîmo faşîst do binê nê prosesî de bimano. Faşîzm do bêro çinkerdene.
Ganî şarê ma û terefgîrê demokrasî û azadîye vera nê tecrîdî hîna zêdêr têkoşîn bikerê.Azadîya Rayber Apoyî do Tirkîya û Rojhelatê Mîyanênî bikera aram. Ma 1ê Êlule yê pêro şaran fîraz kenê. Ma pê bawer ê ke seserra cinîyan biafernê. Hînî wext ameyo ke seba azadîya Rayber Apoyî asta unîversale de xebatî bêrê kerdene.
Ewro şexsê nasnameyê cinîyan ke komel, şar, bawerî û pêro nasnameyî yenê qirkerdene. Şerê na seserre mojneno ke serdestîya camêrdan senî xerab a. Ma hêvî kenê ke seserra 21. biba wesîle ke cinîyî sîstemê xo awan bikerê. Wa no 1ê Êlule yo peyên bo ke cinîyî yenê qirkerdene û şerî yenê kerdene! Ma yewîya xo zixm bikerê. Ma vera pêro hêzanê îşxalkeran xo rêxistin bikerê. Wextê ci yo ke ma vera îşxalî vinderê. Ma 1ê Êlule bikerê roja serkewtiş û azadîye ya şaranê Kurdîstan, dinya û Rojhelatê Mîyanênî. Ma venga her kesî danê ke vera faşîzm û îşxalî, vera tecawuz û bêedaletî têkoşîn pîl bikerê.''
