Koordînasyonê KJKyî sîteyê xo yê înternetî de bi wesîleya 1ê Teşrîna Peyêne Roja Kobanê ya Dinya eşkerayîye daye û veng da ke wa têkoşîn bêro xurtkerdene.

KJKyî sere de Roja Kobanê ya Dinya pîroz kerde, şehîdî yad kerdî û heme kesanê ke semedê xelisnayîşê Kobanê kede daye, xoverdayîş û paştdayîşê înan selam kerd. 

Eşkerayîye de nê ameyî parekerdene:

“Xoverdayîşê Kobanê sey neteweyî kurdî artî têhet û tewiro hempar vet werte. Nê hetî ra zî xoverdayîşêko tarîxî yo. Reyna sere de cinîyî her hetê dinya ra şarî, sosyalist, anarşist û antîkapîtalîstî ameyî têhet û xerîteya rayîrî ya têkoşînê enternasyonalîstî yê neweyî ameye xezkerdene. Ame vînayene ke yewîye û tewira hempare ya komelanê bindestan, cinîyan û şaran, sîyaset û şeranê dewletan ra xurtêr û hêzdar o. Coka xelisnayîşê Kobanê têna xelisnayîşê bajarêkê Rojawanê Kurdîstanî nîyo. Manaya ci dahîna gird a. Kobanê de têna DAÎŞ binnêkewt. No binkewtişê camerdê serdestî yo. DAÎŞo ke bi destê faşîzmê AKPyî têgêreno kerd ke Şorişê Cinîyan ê Rojawanî bifatisno. DAÎŞ verî  Kobanê de şikîya. Coka dewleta tirke ya ke azadbîyayîşê Kobanê rê tehemul nêkena bi plananê leyminan qedayê xo dayo Kobanê. Dewleta tirke ya îşxalkere sere de Kobanê vera Rojawanî planê îşxalî yê neweyî fînayî dewre. Vera nê hêrişan ganî semedê pawitişê şorişî têkoşîn bêro xurtkerdene. Sere de şarê ma û şarê herême ganî têgêrayîşê dinya, hêzê şorişgêrî, rêxistinê çepgîr-soyaslîtî têkoşînî xurtêr bikerê û faşîzmê dewleta tirke rê vajê bes o.”