Koordînasyonê KJKyî seba Emutullahe Guzel mesajê serweşîye weşana.

Mesajê KJKyî wina yo:

''Ma bi dejêkê giranî eşnawit ke Dayîka Emetullahe Guzel wefat kerd le a sembolanê kelaya xoverdayîşî yê têgêrayîşê ma yê Amedî ra bîye.

Dayîka Guzele bi hawayêkê çalakî û rayberî tewrê çalakîyanê Amedî yê pêroyînan bîyêne. Bi taybetî serra 2019î de wextê çalakîyanê dadîyan ê laçiksipîyan ê seba wedaritişê tecrîdê Rayberê ma de bi rolê rayberîye têgêrayêne. Dayîka Guzele bi vatişê xo, têgêrayîşê xo bîye manîfestoyê cuye. Bîye tewirêkê vera înkarî, asîmîlasyonî û qirkerdişî.

Seke şexsê Dayîka Guzele de zî yeno dîyene dadîyê ma rayberîya têgêrayîşê azadîye û welatperwerîye kenê.

Dayîka Guzele heta 85 serrîya xo bi hawayêkê çalakî hem bîye dadîya domanan ê têgêrayîşî hem zî bîye embaza înan. 

Seba her gerîlayî, şerwanî, xoverdayoxê zîndanan û şaristanan dadîyê xoverdayoxî rûmet û hêz ê.

Dewleta faşîste ya qirkere tewr zaf domanan û dadîyanê ma rê zulm kena, hêrişê înan kena. Kulturê Rojhelatê Mîyanênî de dadîyî fîraz ê. Dewleta tirke bi nê nêzdîbîyayîşê xo yê gemarinî mojnena ke a vera dadîyan çend bêhurmet a. Zîndananê Tirkîya de bi desan dadîyî vera teda û zulmê dewleta tirke xo ver danê.

Nê esasî ser o  şexsê têkoşînê Dayîka Guzele de ma heskerdiş û hurmetê xo dadîyan rê şawenê û lew nanê destê înan ro. Ma vanê ke dadîyê ma erjê ma yê tewr biqîymet ê.

Nê esasî ser o ma bi heskerdiş û rehmet Dayîka Guzele yad kenê ke bi hawayêkê rûmetênî xo ver da, ciwîyaye. Ma keyeyê ci rê zî serweşîye wazenê.

Ma bi ruhê azadîye û xoverdayîşî yê Amedî wayîrê vîrameyîşê aye bivejîyê. Ma soz danê ke ma do têkoşînê azadîye yê şarê xo xurt bikerê.

Sere de şarê Amedî ma venga pêro kurdîstanijan danê ke bi hawayêkê xurtî wayîrê serewedaritiş û xoverdayîşê Dayîka Guzele bivejîyê.''