Konseya Rayberdişî ya KNKyî bi eşkerayîyêke Hewlêr de pêşwazîkerdişê Hakan Fîdanî şermezar kerd.

KNKyî îfade kerd ke zîyaretê Fîdanî yê bi Başûrê Kurdîstanî armanc keno ke hêrişê Anqara meşrû bikero. KNKyî ard ziwan ke Tirkîya kena ke Iraqî bianca xeta xo ser û rejîmê Saddamî abigêro.

KNKyî da zanayene ke dewleta tirke teyna wazena ke destkewteyanê kurdan çin bikera.  KNKyî pare kerd ke cayê şerme yo ke Hewlêr de Wezîrê Karanê Teberî yê Tirkîya Hakan Fîdan ameyo pêşwazîkerdene û bale ante ser ke Fîdan qetilkerdişê xeylêk serkêş û şerwananê kurdan de wayîrê rolî bîyo.

KNKyî vist vîrî ke Fîdanî hukmatê Başûrî rê sipas kerdo û vat: ''Eke dişmenî şima rê sipas kerdo ganî şima bifikîrê.''

KNKyî da zanayene ke wextê zîyaretê Fîdanî de vera Pêncewîn, Sîdekan û Biradostî dewleta tirke hêriş kerdo û hukmatê Başûrî û PDK zî bêveng mendo. KNKyî venga hukmatê Iraqî da ke dewleta tirke de hemkarîye mekero û vera hêrişanê dewleta tirke tewir bigêro.

KNKyî venga PDKyî da ke abigêro xeta yewîya neteweyîye û hetê dewleta tirke de canêgêro.

KNKyî venga pêro hêzanê Kurdîstanî da ke îşxalkeran vindarnê û têkoşînê azadîye hetî de cabigêrê.