Konseya Rayberdişî ya KNKyî derheqê vewrêsê Wanî de eşkerayîyêke weşanaye.

Eşkerayîye de ame vatene:

''Herêma Miksî ya Wanî de vewrêsê pîlî ameyî meydan. Heta nika 39 kesî merdî û bi desan kesî birîndar bîyî û vîndîbîyaye yê.

Ma merdimanê kesanê ke wefat kerd rê, şarê Kurdîstanî rê serweşîye, birîndaran rê zî şîfa  wazenê

Vewrês serebûtêkê xozayî yo la merdim eşkeno vera ci tebdîran bigêro. Miks herêmêka hîra ya. Ganî îdarekaran goreyê rewşa herême tebdîrî bigirewtêne. Na polîtîkaya îşxalkeran a. Nê herême rê xizmet nêkenê, wazenê şar tim binê gefan de bibo û bi nê hawayî herême bêra vengkerdene.

Mesuldarê nê felaketî selahîyetdarê herême û AKP yê. Êyê ke nê varayîşanê vewre yê zêdeyî de tebdîrê ganîyî nêgirewtî mesuldarê nê serebûtî yê.

Miks de felaketêko pîl qewimîyo. Hewceyê hetkarî û paştdayîşî esto. Ma venga şarê xo kenê ke wayîrê mexduranê felaketî bivejîyo û şarê herême rê hetkarîye bikero.

Ma hêvî kenê ke êyê ke vîndîbîyaye yê bi hawayêkê weş û warî bêrê dîyene. Ma reyna keyeyan rê, şarê xo rê serweşîye wazenê û seba birîndaran şîfa wazenê.''