Koma Amara seba yadkerdişê şehîde Hêvî Gabar (Gulîstane Aksoy) deyîrêka newîye ya bi nameyê 'Hêviyam' amade kerde. Gabare 26ê temmuze 2020î de wexto ke birîna xo ra tedawî bîyêne şehîd bîye.

Qiseyê deyîrî aîdê Firat Baran û Pelşîne Munzur ê, muzîkê ci aîdê Pelşîne Munzur o. Endamê kome Xwezan Harunî mîksaj û aranjeya deyîre kerdî.

Harunî dîyar kerd ke Hêvî Gabar 2015 de Serêkanîyê de bena birîndar û dima seba tedawî şina Ewropa. Harunî vat ke a bi hesreta welatî Ewropa de şehîd bena. 

Harunî vat: ''Seba yadkerdişê embaza xo ma na deyîre viraşte. Ma seba embaze Hêvî û şehîdanê bînan çi bikerê do kêm bimano. Ma na deyîre sere de embaze Hêvî pêro şehîdan rê dîyarîye kenê.''