Koordînasyonê Komalên Ciwanî vera hêrişê îşxalî yê dewleta tirke veng da heme ciwananê Kurdîstanî ke wa bi ruhê seferberîye têkoşîn bikerê.

Eşkerayîya têgêrayîşê ciwanan wina ya:

''Dewleta tirke ya faşîste seserrî yo vera kurdan polîtîkaya qirkerdişî rayra bena.  Seba ke nameyê kurdan tarîxî ra biestero qet metodo ke nêceribnayo nêmendo. Dêrsimî ra heta Gelîyê Zîlane, Koçgîrî ra heta Agîrî heme kurdanê ke azadîya waşte erzîyayî zîndanan û ameyî qetilkerdene. Kurdê ke azadîye wazenê tim raştê qirkerdişan yenê. No qedero binlaneto ke kurdan rê ameyo ferzkerdene pê PKKyî bedilya û wextê xelisyayîş û ganîbîyayîşê kurdê/a azadî/e ame. Seba ke PKKyî planê dewleta tirke yê çînkerdişê kurdan xeripnayî hedefê hêrişan de yo. dewleta faşîste pê tesfîkerdişê PKKyî yo ke garantîyê Şorişê Azadîye yê Kurdîstanî yo, wazena ke qirkerdişê kurdan bikero. Coka panc serrî yo şerê îmhakerdişî yeno rayraberdene. Hêrişê vera Herêmanê Pawitişî yê Medya zî leteyêkê nayî yê. Faşîstê ke pê xoverdayîşê Garê têşîyayî vînîkerdişê xo hezm nêkenê.

Gerîlayê azadîye yê Kurdîstanî sey tim narey zî do vera hêrişan bi hewayêkê fedayîkî do şer bikerê û sey Garê reyna ser bikewê. Ma zî sey Têgêrayîşê Ciwanîye yê Apoyî yê Komalên Ciwanî semedê seferberîye veng danê ciwananê Kurdîstanî.Ciwanê Kurdîstanî fedayîyê Rayber Apoyî yê. Ciwanî nê wextê îşxalî de nêeşkenê bêveng bimanê. Dewleta ke cehd kena ke Metîna, Avaşîn û Zap ser bikewo do Kurdîstan û Ewropa de derbanê pîlan biwero. Ciwanê welatperwer û şorişgêrî yê Kurdîstanî do hêrs û têkoşînê xo bi xoverdayîşê gerîlayanê Zagrosî bikerê yew faşîzmê dewleta tirke birecifnê. Ciwanê kurdî ganî her cayî biaçarnê cayê xoverdayîşî û dişmenî ra hesab bipersê. Ganî her ca bibo Metîna, Avaşîn û Zap. Ma pê şîarê 'Bi ciwanê ke bîyî baz,  Zagrosan de ver bi serkewtişî' xoverdayîş de bibê serferber.''