Komêka ciwanan vengdayîşê PKKyî ser o tewrê gerîlayan bîye. Ciwanan bi eşkerayîyêke tewrbîyayîşê xo îlan kerd.

Ciwanan eşkerayîye de  wina vat: ''Kurdîstan de vera cinî û ciwanan şerêko gemarin yeno kerdene. Bi tecrîdê vera Rayber Apoyî yeno waştene ke komelê ma sey 40 serrî verî bibo kole û mîyanê tarîtîye de bimano û çin bibo. Ma vînenê ke rejîmê tirkan o faşîst ewro erdê Kurdîstanî de hêrişanê qirkerdişî keno. Ziwan, bawerî, nasname, kultur û govendê kurdan yenê qedexekerdene. Ma zanenê ke bê awe û bê nanî beno la bê ziwan, bê kultur û bê nasnameyî nêbeno.

Nê esasî ser o vengdayîşê partîya ma PKKyî ser o vera îxanet, ajanîye û îşxalî tewrê refanê Gerîlayanê Azadîye yê Kurdîstanî benê.

Wa her kes bizano ke no  şerê azadîye yo û do nêro binvistene. Ma venga cinî û lajanê şarê kurdî danê ke vera xeta îxanetî û hêrişanê îşxalî yê dewleta tirke, seba şerê nasname û estbîyayîşê kurdan tewrê gerîlayan bibê.

Ma soz danê ke vera dişmenê îşxalkerî heta çilka peyêne ya gonîya xo şer bikerê, seba caardişê azadîye têkoşîn bidomînê.''

Ciwanan eşkerayîye ra dima govende girewte û dest pê perwerdeyî kerd.