Komeleya Wendekaranê Azadan a Munzurî (MODER) sazkerdişê xo bînaya komele de bi  eşkerayîyêk da eşnamitene. Xeylî wendekarî tewrê akerdişî bîyî.

Endama komele Emîne Beneke akerdiş de qisey kerd û vat ke bi şîara "Wendekarê azadî, akademîya azade" cuyêka weşe do bêra sazkerdene. Beneke va: "Armancê ma nê yê; zanîngehanê ke sîstemo kapîtalîst reyde tê gêrenê demokratîk bikê, cuya goreyê ekolojîkî zêde bikê, wareyan zîhnîyetê camêrdan ra pak bikê û hêz bikê  kesayetanê ke rastîya komelkîye ra dûrî yê. Na çarçeweye de bi şîara 'Wendekarê azadî, akademîya azade' pêro pîya xîret kenê ke cuyêka weşêre saz bikê."