Mazdek Araratî (Omer Bagci) 13'ê Êlula 2019'î de de ser wezîfeyê xo de qezayêkê trafîkî ra wefat kerdibi û 14'ê Êlule de Şehîdgehê Şehîda Dicle ya Kobanê de amebi definkerdene.

Komîteya Kultur û Hunerî ya PKK'yî  bi wesîleya şehadetê  Araratî îzehetêk da û nê pare kerdî: ‘‘Ma şarê xo rê û keyeyê hunermend û milîtanê azadîye yo ercaye embaz Mazdek Araratî rê ke Rojawanê Kurdistanî de rîyê qezayê trafîkî ra wefat kerd serweşîye wazenê. Embazê ke nê qeza de birîndar bîyî înan rê zî derbasî bo.

Gama ke ma musayê embazê ma rîyê qezayê trafîkî ra wefat kerd ma hîna bîyî xemgîn. Bedeldayîşê rayîrê şorişî de ercayêko tewr pîl o la no normal nîyo ke qezayê trafîkî hendek zaf qewimîyenê. Par Doktora şorişgêre ya enternasyonalîste ya Arjantînije Alîna (Legerine) zî qezayê trafîkî ra wefat kerd. Aye ra ma vanê tedbîrê ke seba ke qezayanê trafîkî asteng bikê hetê Îdareyo Xoserî ra ameyî girewtene, bi hewayêkê binizamî her ca de bêrê kerdene û ganî şarê ma na babete de bêrê perwerdedayene. Binê her qezayî de yew pêgoşkerdiş û bêqaydetî esta. Ercayê dîsîplînî ercayê cuye yo.

Na çarçewe de ancî ma veng danê xebatkaranê hunerî û embazanê xo rê ke vîrameyîşê Mazdekî rê ma pê welato azad cewab bide û ey bikê wesîleyê serkewtişan ê pîlan! Naye ra ma verba vindertişê bêqaydetîye û qezayê trafîkî yê Kurdistanî û teberê welatî de bikê sembolê komelê hişmend, demokratîk û kulturî yê cuya biqaydeye."