Komîteya Perwerdeyî ya KCK’yî bi eşkerayîyêka nuştekîye 21’ê Sibate Roja Ziwanê Dayîke ya Dinya fîraz kerde.

Eşkerayîya Komîteya Perwerdeyî ya KCK’yî ra tayî cayî wina yê: ‘‘ 21’ê  Sibate Roja Ziwanê Dayîke hetê Neteweyê Yewbîyayeyî ra sey roja mucadeleyî ya vera kolonyalîzmî ameya îlankerdene.  Rêxistina  Perwerde, Zanist û Kulturî ya Neteweyê Yewbîyayeyî  UNESCO  zî serra 1999’î de na roje sey roje mîyanneteweyîye îlan kerde .

Ziwano ke cimat heme tekîlî û aktîvîteyanê xo de şuxulneno, pêkeno û qisey keno, o ziwanê dayîke yê o cimatî yo. Kolonyalîtan tena welatê şaran talan nêkerdî, heman wextî de kultur û ziwanê înan zî  qedexe kerdî û bi polîtîkayanê asîmîlasyonî  wazenê ke çîn bikerê. Merdim û cimat perçeyêkê estbîyayîşî yê. Hêrişê vera ziwanê dayîke ganî sey qirkerdişê cimatî û sucê merdimîye bêrî qebûlkerdene. Goreyê doneyanê zanistîyî  ewro  rawşa 2500 ziwanî ver bi qedîyîyayişî de ya. Xeylî ziwanê Mezopotamya hetê sîstemanê kolonyalîstan ra ya çîn bîyî ya da roja ma de binê tehlukeyê çinbîyayîşî de yê.

Tirkîya de sere de ziwanê Kurdkî xeylî ziwanî bînî zî netîceyê polîtîkaya asîmîlasyonî de  binê tehlukeyê çinbîyayîşî de yê. Senî ke Pêkewtişê Heqanê Domanan de zî ca dîyayo ci, perwerdeyê ziwanê dayîke heqo tewr esasî yê merdimî yo. Vernî girewtişê perwerdeyê ziwanê dayîke zî binpaykerdişê heqêko tewr pîl yê merdimî yê yo û sucê merdimîye yo. Hêzê kolonyaslîtî vera şarê Kurdî nê sucî tim verê çimanê heme dinya de kenê.

Awanbîyayîşê Komara Tirkîya ra hetanê nê demî verba şarê Kurd û Kurdkî, hukmatê Komare, polîtîkayê lêmin ê asîmîlayon û înkarkerdişî rayra berdî û bi nê polîtîkayanê lêminan waşt ke ziwanê şarê Kurdî bihelînî. Bi polîtîkayanê înkarkerdiş û qirkerdişî wazenê ke  Kurdistan û ziwanê Kurdî werte ra wedarê. La vera naye mucadeleyêko xurt diya û dewam keno. Şarê Kurdî rayberîya Têgêrayîşê Azadîye û Rayber Apoyî de xoverdayîşo biheybet dano û rixmê heme hêrişan ziwan û kulturê xo danê ciwîyayene. Bi na wesîleye ma sey  Komîteya Perwerdeyî ya KCK’yî reyna polîtîkaya qirkerdişê kultur, ziwan û qewmî mehkum kenê. Ma do vera polîtîkaya qirkerdişî mucadeleyê xo  bi qeradarîya girde bidomnê.‘‘