Korona: Hûmara nêweşan 150 hezaran ra ravêrte
Ewro Kurdîstan û Tirkîya de rîyê janê Korona ra 31 kesanê bînan cuya xo vînî kerde û hûmara nêweşan pêro pîya 150 hezaran ra ravêrte.
Wezîrê Weşîye Fahrettin Kocayî hesabê xo yê Twîtterî ser ra derheqê rewşa peyêne ya vîrusê Korona de zanayîş pare kerd.
Goreyê zanayîşanê ke Kocayî dayî 24 saetanê peyênan de Kurdîstan û Tirkîya de 31 kesanê bînan cuya xo vînî kerde û 1158 kesanê bînan de nêweşîye ameye tesbîtkerdene. Goreyê naye kesanê ke heta ewro cuya vînî kerdo hûmara înan bîye 4 hezar û 171 û hûmara kesanê ke pê nê janî kewtî pêro pîya 150 hezaran ra ravêrte.
