Şarê Şingalî pê armancê pawitişê destkewteyanê xo  û gefanê hukmatê Iraqî verê Koyê Şingalî de dest pê çalakîya nobete kerd.

Nobeta wayîrvejîyayîşê Asayîşê Êzidxanî zî 121 rojî yo dewam kena.

Roniştoxanê Şingalî serê sibayî verê xo da warî û bi nameyê 'pawitişê destkewteyan' dest pê nobete kerd. Şingalijî hema zî ver bi herême şinê.

Hukmatê Iraqî vera Îdareyê Xoserî yê Şingalî gefî wendbi û waştbi ke heta 1ê nîsane hêzê pawitişê Êzidxanî wa herême ra vejîyê. Naye ser o Meclîsê Xoserîya Demokratîke ya Şingalî (MXDŞ) pê pêro dezgeh û sazgehanê herême, rîsipîyan reyde kom bi û bira xoverdayîşî daye.

MXDŞyî bale antebi ser ke ê terefgîrê dîyalogan ê la eke îradeyê înan nêşinasîyo ê do xo ver bidê.