Şewato ke leşkeranê tirkî perey Koyê Cûdîyî de vet, vizêr zî dewam kerd. Şewatê Koyê Hîrîmîya yê bajarekê Sêgirkî yê Qilabanî ke xo bi xo şibi hewna, newe ra vejîya.

Dewanê Cifane, Gundikê Remoyî û Nêvava yê dormeyê Koyê Cûdîyî yê ke menganê peyênan de hetê qoricîyan ra bi hezaran darî ameybî birnayene de perey  şewe leşkeran şewat vet. Şewat vizêr zî bi vilabîyayîşî dewam kerd.

Reyna Koyê Hîrîmîya yê bajarekê Sêgirkî yê qezaya Qilebanî de zî perey şewe şewat vejîyabi la şewat dima xo bi xo hewna şi. Şewat vizêr bi tesîre vayî reyna kila girewt û seba ke ci rê mudaxale nîno kerdene bejîya Besta Bêlijnê de vila beno.