Fermandaranê HPGyî ra Laşer Rodîyî derheqê xopawitişî de qisey kerd. 

Fermandar Rodîyî ard ziwan ke ê girîngîya xopawitişî hetê sosyolojî û tarîxî ra ercnenê û vat: ''Xopawitiş têna seba merdiman nê seba pêro gandaran girîngîyêka cuyekî ya. Pêro komelan de ganî motîvasyono tewr vernî xopawitiş bibo. Ganî asta dinya de vera modernîteya kapîtaliste pê xopawitişî bêro vindertene.

Eke komel pîya têbigêro û vera kapîtalîzmî erjanê komelî bipawo eşkeno zulmî ra bixeliso. Meseleya merdimîye ya tewr pîle kapîtalîzm o. Tîya de zî têkoşîno hempar vejîyeno erte. Eke komel pê xo bawer bibo sîstemê îqtîdarî zî nêeşkeno vera ci xo ver bido. Na babete de zî rêxistinbîyayîş girîng o.

Paradîgmaya Rayber Apoyî komelê demokratîkî, ekolojîkî û azadîya cinîyan gêna xo ver. Probelemê fikrî, îdeolojîk û felsefîlî na çarçewe de çareser benê. Çareserîya meseleyanê kurdan û Rojhelatê Mîyanênî pê na paradîgma çareser benê. Sîstemê pawitişî têna pê na paradîgma do bêro geşkerdene.

Rayberîye şero şorişgêro sey stratejîya têkoşînî pêşkêş kerd. Kurdî nika sîstemê xo awan lenê û têkoşînêkê pîlî anê ca. Şorişê şarî pê xopawitişî geş beno û ser keweno. Vera kurdan bi her hawayî zulm, zorbazîye, asîmîlasyon yenê kerdene, kurdî gereka xo na koletîye ra bixelisnê. Tek hedef û armancê ma geşkerdişê şorişê Kurdîstanî yo, mendekerdişê azadîya Kurdîstanî yo. Ganî ciwanê kurdî seba ney pê metodanê cîyayan xopawitişê xo zixmêr bikerê.

Nika Vakurê Kurdîstanî de prosesêko giran esto. Faşîzmê AKP-MHPyî asta tewr berze de yo. La xoverdayîşê ma dewam keno. Îqtîdar qels bîyo la mesajê 'ma xurt ê' dano. Verê ma de rojê roşnîyî estê.

No pê geşkerdişê têkoşînî beno. Kurdî wa vera polîtîkayanê dişmenî milê xo nêarê war û têkoşîn geş bikerê. Ganî ma komelî faşîzmê AKP-MHPyî ra bixelisnê. Ê rojî nêzdî yê gamî merdimî têkoşîn bikerê, kede bidê, bixebitê. Ganî merdimî bedelan bidê. Nê bingeyî ser o ma pê bawer ê ke kurdê rûmetên û welatperwerî yê kurdî eşkenê peynîya faşîzmî bîyarê.''