Tepişteyo nêweş Bozo Yilmaz 18ê tebaxa 2022yî de Zîndanê Amedî de amebi qetilkerdene. Yilmaz serrgêra qetilkerdişî de serê gorê xo de taxa Goganî ya qezaya Xalfetî ya Riha de ame yadkerdene. Wekîlê Partîya Çep a Keske Omer Ocalan, temsîlkarê HDPyî û DBPyî û xeylêk kesî tewrê yadkerdişî bîyî.

Merasîm de Omer Ocalanî qisey kerd û pare kerd ke Yilma şaredarê Goganî bîyo, herinda ci de qeyûm ameyo tayînkerdene û o zîndan de ameyo qetilkerdene. 

Wextê qiseykerdişê Ocalanî de leşkerêkî vat: ''Goristan de eşkerayîyedayîş qedexe yo'' û gefî wendî. Rixmê ney zî Ocalanî qiseykerdişê xo rê dewam kerd û vat: ''Embaz Bozo seba ke kurd bi ci rê zulm ame kerdene. Nika heman zulmî ma rê yeno kerdene.''

Dima leşkeranê tirkan hêrişê girseyî kerd. Girseyî bi sloganê ''Bijî berxwedana zîndanê'' cewab da. Hêriş de Vervatoxa Partîya Çep a Keske Seneme Erîş, Endamê Meclîsê Ciwanan ê partîye Enes Rakim û şêwirmendê Omer Ocalanî Nuh Mert Turan ameyî destbendkerdene.

Rêxistina HDPyî ya Riha verê bînaya xo de dima hêriş protesto kerd.