Taxa Nezrava Jorî ya qezaya Ebexî ya Wanî de ciwan Caner Agurtan (28) wexto ke gêrayêne pêzê xo leşkeranê tirkan o da guleyan ver.

Serê sibayî saete 07.30 de Agurtan hêrişê leşkeran de çengê xo yê raştî ra birîndar bi. Ciwanî ard ziwan ke dima ke birîndar bi leşkeran paskilî eştî ci.

Agurtan Nêweşxaneyê Zanîngehê Yuzuncu Yilî yê Wanî de binê tedawî de yo. Agurtanî  Ajansê Mezopotamya rê qisey kerd û vat: ''Leşkeran ez birîndar kerda. Dima ke ez birîndar bîya qasê 10-15 deqayan ez sey birîndar paye şîya. Leşkerî ameyî mi hetî û paskilî eştî mi. Mi vat ez birîndar a la reyna înan da mi ro. Leşkeran mi rê vat 'hol dîyayo to ro' û reyna paskilî eştî mi.''