Gerîlaya YJA Starî Şehnaze Okşaman (Mizgîne Cigerxwîn) 25ê êlula 2020î de hêrişê hewayî yê vera Başurê Kurdîstanî de şehîde bîye. Keyeyê Okşamanî ke newe xebera şehadetê kênaya xo girewte 17ê nîsane de taxa Mîreliya ya qezaya Farqînî ya  Amedî de semedê aye tehzîye na ro.

Tehzîye warê akerdeye kerdene. 20 nîsane de saetanê nêmroje de leşkeran eşt cayê tehzîye ser. Leşkeranê ke pê wesayîtanê zirxinan kewtî taxe keyeyî ra îfadeyê panc kesan girewt û heqaretê înan kerd. Fermandarê qereqolê leşkeran şar tehdît kerd û vat o se vano ganî wina bibo. Leşkeran warê akerdeyî ra sandalyeyî arê dayî û bi kamyonet bêrdî qereqolî. Sandalyeyî dima ra bi şertê verê banî de do merê ronayene teslîmê keyeyî bîyî. Panc kesê ke îfadeyê înan ame girewtene dima ame vengdayene ke wa şirê qereqol û înan rê bi bahaneyê binpaykerdişê tedbîranê janî temamî de 7 hezar TL cezaya pereyî ameye birnayene.