Dewa Şikeftanî ya qezaya Şemzînanî ya Colemêrgî dima ke 21ê adare de Gever de wesayîtê polîs A.K.yî de teqaberê bi 52 kîlo 500 gramî ame dîyene binê abluqaya artêşa tirke de ya. Wezîrê Karanê Zereyî Suleyman Soyluyî îdîa kerd ke no wesayîto bombarkerde Iraqî ra ameyêne Şemzînanî û hedefê ci Îstanbul o.

Qiseyanê Soyluyî ra dima Şikeftan gêrîya binê ablûqa. Leşkerê tirkî pê teda dewe kenê veng. 50 keyeyan ra 35 keyeyî dewe ra şîyî. 15 keyeyanê mendeyan ra 14ê ci mêşnayê xo rotî û keyeyo bîno ke mêşnayê xo nêrotê hetê leşkeran ra yeno tacîzkerdene. 

Hêrişanê îşxalî ra dima zî dewe de teda zêdîyey. Dewe de 10 rojî yo awe birîyaye û leşkerî nêverdenê ke dewijî keyeyanê xo ra dûrî şorê. Ame parekerdene ke kesê ke seba erzaqî dewe ra şinê zî maruzê kontrol û îşkenceyê cigêrayîşî benê.