Taxa Karincagî ya deweka Medrese ya qezaya Licê ya Amedî de meyîtêk ame dîyene. Ame parekerdene ke meyît aîdê camêrdêk o û pê çeke kişîyayo. Meyît hetê şîwanêkî ra ame dîyene û dima zî ekîpê cendirmeyan sewqê cayê serebûtî bîyî. 

Goreyê zanayîşan meyît aîdê Alî Yîgît (60) o ke taxa Karincagî de ciwîyayêne û bedenê Yîgîtî de rêçê guleyan estê.

Cenazaya Yîgîtî seba otopsî erşawîyaye Nêweşxaneyê Dewlete yê Selahattîn Eyyûbîyî. Ame îdîakerdene ke Yîgît netîceya pêrodayîşêkê derheqê erazîyî de ame kiştene.