Licê de operasyono leşkerî dîya destpêkerdene
Artêşa tirke dewa Karinçaxî ya qezaya Licê ya Amedî de operasyono leşkerî da destpêkerdene. Herêma ke pê teyarayan ameye bombardumankerdene de şewat vejîya.
Artêşa tirke ewro saetanê serê sibayî de dewa Karinçaxî ya qezaya Licê ya Amedî de operasyono leşkerî da destpêkerdene.
Çarçewa operasyonî de mewkîya Dahlê Agayî pê teyarayan ameye bombardumankerdene. Netîceya hêrişî de daristan de şewat vejîya.Goreyê zanayîşê ke çimeyanê cayîyan ra ame girewtene herême de pêkewtiş qewimîya.
