Gerîlaya YJA Starî Avaşîne Kurtay Dîrok û gerîlayê HPGyî Dilgeş Botanî bi wesîleya serrgêra Hemleya 15ê Tebaxe ANFyî rê qisey kerd.

Gerîlaya YJA-Starî Avaşîne Kurtay Dîrok vat: ''Hemleya 15ê Tebaxe seba şarê ma bîye hêvî. O çax Agirî ra heta Amed û Dêrsimî şarê kurdî qirkerdişêkê pîlî de têrî bibi. Hemleya PKKyî rewşe vurnaye. Ewro zî koyanê Kurdîstanî de serkêşîya gerîlayan de hemle dewam kena. Guleyo verên manadar bi. Heman gule ewro zî keweno mezgê îşxalkeran. Her roje ma danê ÎHA, SÎHA û droneyanê dişmenî ro. Ma bi ruhê 15ê Tebaxe vera dişmenî şer kenê.'

Gerîlayê HPGyî Dilgeş Botanî vat: ''Hemleya 15ê Tebaxe ez pêro embazan rê fîraz kena. Artêşa tirke ya îşxalkere vera gerîlayan şero teknîk visto dewre la ma vera ney xoverdayîşêko pîl kenê. Şerê ma do ser bikewo. Embaz Egîdî bi hemle çarenusê kurdan vurna. Dişmenî vatêne 'Kurdî hinî nêeşkenê çeke bigêrê xo destî.' La Hemleya 15ê Tebaxe na hişmendîye qedînaye. Adirê azadîye yo ke Fermandar Egîdî vistbi ta, her roje beno geşêr. Ma do erdê xo de versîya dişmenî zî nêverdê.''