Gerîlayê YJA Starî Barîne Batman û Hevî Ozalp û gerîlayê HPGyî Mîkaîl Çekdarî bi wesîleya serrgêra Hemleya 15ê Tebaxe ANFyî rê qisey kerd.

Gerîlaya YJAStarî Barîne Batman sere de Roşanê Ganîbîyayîşî yê 15ê Tebaxe pîroz kerd,  şehîdê Kurdîstanî yad kerdî û nê vatî: ''Hemleya 15ê Tebaxe semedê gerîlayanê Kurdîstanî û şaranê bindestan yena manaya newe ra ganîbîyayîşî, raameyîşê nasnameyêkê azadî. Badê na hemle şarê kurdî wirişt payan ser û vera dewleta tirke vejîya. Roja ma de zî zelal yeno vînayene ke qet hêzêkê nêeşkeno vera îradeyê kurdan vindero.15ê Tebaxe vengdayîşê azadîye bi û ciwanê tim bi nê vengdayîşî vazdanê koyan. Ma zî sey gerîlayanê Kurdîstanî soz danê ke ma do tim wayîrê mîrasê embaz Egîdî bivejîyê. Dewleta tirke şerê taybetî rayra bena, tim îdîa kena ke înan gerîlayî qedînayî la a bi xo naye ra bawer nêkena. Gerîlayî Metîna, Avaşîn û Zap de bi îradeyê asinî şer kenê. Ma do bi îdeolojîya Rayberîya xo û ruhê 15ê Tebaxe ser bikerê.''

Gerîlayê HPGyî Mîkaîl Çekdarî zî bale ante muhîmîya 15ê Tebaxe ser û nê vatî: ''15ê Tebaxe welatêko tede ters û merg hekîm bi de, sembolê newe ra estbîyayîşî yo. Hemleya 15ê Tebaxe semedê ma bîye çimeyê moral û hêzî. Semedê hemrayanê ma yê şehîdan û şarê ma yê welatperwerî bîye cewabo pîl. !5ê Tebaxe ters û xof fîna zerîya dişmenan û ma heta ewro ardî. Gerîlayî tim zêdîyenê, nêqedîyenê. Yew kes bimano zî no ruh û îdeolojî do tim bêrê ciwîyayêne. Ma ruhê şerî embaz Egîd û embaze Zîlane û embaze Bêrîtane ra girewt. Mîrasê înan hêz dano ma. Ma rêçê şehîdanê xo de bi îdeolojîya Rayberîye şer kenê. Hêzê hegemonîkî nêeşkenê ma çîn bikerê. Îdeolojîya Rayberîya ma dinya de vila bîya. Ma pê bawerê ke ma do dişmenî Kurdîstan û Rojheletê Mîyanênîn ra vejê. PKK hêvîya cuye ya Rojhelatê Mîyanênî ya. Ma do pîya bi Rayberîya xo Kurdîstanê azadî de biciwîyê.''

Gerîlaya YJA Starî Hêvî Ozalp zî ard ziwan ke koyanê Kurdîstanî de têkoşîn bi moral û coşo ke serkêşîya fermandar Egîdî de 15ê Tebaxe de ame afirnayene, dewam keno û nê vatî: ''Bi nê ruhî embazê ma tewrê cuye û şerî benî. Embazê ma bi ruhê xoverdayîşî yo ke embaz Egîdî aver berd, cepheyê şerî de xover danê. Bi hezaran embazê ma bi nê ruhî şer kenê. Raywanîya ke bi xoverdayîşo ke hetê embaz Egîd û embaze Zîlane ra ame afirnayene, ameye afirnayene  do ser bikewo. Ma do heta dalpaya peyên a gonîya xo bi nê ruhî şer bikerê û bi nê ruhî ser bikewê. Wa biciwîyo Hemleya 15ê Tebaxe.''