Fermandarê Qerargehê MPŞyî Murat Karayilanî bi wesîleya serrgêra 40ine ya Roşanê Gandarbîyayîşî mesajêk weşana.

Mesajê Karayilanî wina yo:

''Şarê ma yo ercîyaye, hemrayê ma yê qîmetînî;

Roşanê Gandarbîyayîşî fîraz bo!

Ez Roşanê Gandarbîyayîşî Rayber Apoyî rê, gerîlayan rê şarê ma rê,  dostanê ma rê, sempatîzananê ma rê fîraz kena. Serra 41ine de ez her kesî rê serkewtiş wazena.

Hemleya 15ê Tebaxe ya tarîxîye 40 serrî xo pey de verdayî. Nê 40 serran destanêk bi herfanê zerdînan tarîxî ser de nuşt.Ez şexsê Fermandar Egîdî de pêro şehîdanê ma bi rêz û minetî yad kena. Ma soz danê ke têkoşînê azadîye yê Kurdîstanî berzêr bikerê.

Şarê ma yo ercîyaye, hemrayê qîmetînî;

Bêguman Hemleya 15ê Tebaxe hemleyêka normale nêbîye; na hemle tarîxê Kurdîstanî de mîladêk bîye. Hemleya 15ê Tebaxe qewimîyayîşê tarîxî vurna. No hemle bîye şorişê komelkî, fikrî û cinîyan û komelê Kurdîstanî newe ra aferna. Hemleya 15ê Tebaxe bi keda Rayber Apoyî û keda embazanê Zîndanê Amedî bîye.

Nê 40 serran de xoverdayîşêko destanwarî qewimîya û xeylêk qehremanî ameyî afernayene. Şehîdanê ma yê qehremanan serkêşîya tarîxê ma yê xoverdayîşî kerde. 

Ma sey gerîlayan sond wend ke Kurdîstanî bipawê. Heta nika ma no soz ard ca. 7 serrî yo kolonyalîzmê tirkan wazeno Başûrî îşxal bikero. Ma vera nînan de vindenê, şer kenê û xo ver danê. 4 serranê peyênan de heman mewzî de xoverdayîş dewam keno. Metîna û Zap de vera çekanê kîmyewîyan, qedexeyan ûsn. xoverdayîş est o. Ê xoverdayoxanê ma rê selam bo!

Şarê ma yo ercîyaye;

Dewleta tirke û îqtîdarê AKP-MHPyî seba ke herême de şerêko herêmî bibo xîret kenê. Eşkera yo verê ma de tehlukeyê pîlî est ê. Sey têgêrayîşî ma vera nînan têkoşîn bikerê û şer bikerê. Ma do seba azadîya Kurdîstanî şerî geş bikerê. Ma do verê xayîn kolonyalîstan de apey game nêerzê. Wa partî, dezgeh û kesayetê kurdîstanijî na raştîye bivînê û destek bidê gerîlayan.

Ma venga ciwananê ereb û kurdan danê ke tewrê ma bibê, yewîya xo awan bikerê û çarçewa paradîgmaya Neteweya Demokratîe de vera dewleta tirke îtîfaq bikerê.

Vera Rayber Apoyî tecrîdo girankerde û îşkenceyo psîkolojîk est o. Vera rûmet, kultur, govende û ziwanê şarê ma her ca de hêrişî est ê. Şarê ma vera nînan kampanyayanê globalan virazo. Wa xopawitiş bêro averberdene. Ma sey gerîlayan bi ruhê Hemleya 15ê Tebaxe têbigêrê, şerê tunelan û erazîyan bi xurtêrî bikerê. Ma do bimojnê her kesî ke şarê kurdî û Gerîlayê Azadîye yê Kurdîstanî qetî bin nêkewenê.

Maşarê ma, dostanê ma, hemra û xebatkaranê ma selam kenê. Ma venga her kesî danê ke wayîrê erkê xo vejîyo. Ma şarê xo rê û dostanê xo rê serkewtiş wazenê. Ma rayraşîyayîşê seba azadîya Rayberîye, Kurdîstan û şaranê herême de serkewtiş wazenê.

Bimiro Kolonyalîzm û Îxanet!

Biciwîyo Şerê Şarî yo Şorişgêr!

Bijî Serok Apo!''