Gerîlayê HPGyî Dilgêş Farqînî derheqê tecrîdê serê Rayberê Şarê Kurdî Abdullah Ocalanî de qisey kerd.

Farqînî tecrîd sey polîtîkaya şerê taybetî yê dewleta tirke name kerd û vat: ''Tecrîdê serê Rayberîye dewam keno. Îqtîdarê AKP-MHPyî bi tecrîdî wazeno ke Rayber Apoyî komelî ra raqilno. Çunku Rayber Apo veng û anorê Rojheletê Mîyanênî û dinya yo. Coka dewleta tirke hêrişê xo zêdînena. Vera faşîzmê îqtîdarê faşîstî xoverdayîşo topyekun hewce keno. Ma pê xoverdayîşî eşkenê ser bikewê. Dewleta tirke waşt ke bi pêvînayîşê telefonyî yê 4 deqayan têkoşînê kurdan bişikno la ma do vera na polîtîkaya dişmenî têkoşînî pîlêr bikerê. Ma do derbanê pîlan bidê dewleta tirke û paştgêranê ci ro. Ma do vera tecrîdî xoverdayîşê Rayber Apoyî esas bîgêrê û mewzîyanê têkoşînî bi serkewtişî tacîdar bikerê.''