Gerîlayê YJA-Starî: Ma do dişmenî erdê xo ra vejê

Gerîlayanê YJA-Starî yê ke tewrê Cengê Heftanînî bîyî vat ê do qet rayîr nêdê hêzanê tirkan ke bi asanî nê erdî ser bigêrê û çalakîyan bikerê.

Vera artêşa tirke ya ke hêrişê herêma Heftanînî ya Herêmanê Pawitişî ya Medya kena gerîlayî çalakîyan kenê û mîyanê pêro şert û mercanê giranan ê zimistanî de zî derbanê giranan danê artêşa tirke ro. Gerîlayanê YJA Starî Sozdar Cûdî û Rosîda Botan ê ke tewrê çalakîyanê Hemleya Cengê Heftanînî bîyî ANF reyde qisey kerd.

Sozdar Cûdî

Gerîlaya YJA-Starî Sozdar Cûdî vat: "Dewleta tirke her roj medya de zûran kena vana gerîlayî qedîyayî ê o wext hende çalakîyan çira kenê? Wazenê bi zûran şar bixepinê. La gerîlayî her roje benê pîl û profesyonel. Gerîlayê YJA-Starî bi hawayêkê çalakî tewrê nê şerî bîyî û bi nê hawayî têgêrenê. Bi çalakîyanê xo ma do nêverdê ke dişmen erdê ma de bimano."

Rosîda Botan

Gerîlaya YJA-Starî Rosîda Botan vat: ''Hêrişê dewlete benê hîra la çalakîyê ma zî bitesîr ê. Dişmen kişteyanê xo zaf eşkera nêkena. Medya de wina mojnena ke koyan de gerîlayî nêmendî. La nê pêro zûr ê. Ma do çalakîyanê xo bi nê hawayî dewam bikerê. Ma do Hemleya Cengê Heftanînî pîl bikerê û peynî estbîyayîşê dişmenî bîyarê."