Wa pêro domanê Kurdîstanî vengê to bieşnawo Zelale. Zelale vat ''Seba ke domanî azad biciwîyê ma hê şer kenê'' û sey bezreyêkê Heftanînî kewte pîzeyê Başûrê Kurdîstanî. Wa rayîrê to akerde bo Zelale.

Êyê ke Kurdîstan de benê bêmerg ma visnenê ma vîrî, ê ma ganî kenê. Huyayîşê înan lewan kenê kilît. Nê rayîrî de heta peynî çew şino.

Zelale Sîdem Cengê Heftanînî de bedelo tewr rind bîye. Destpêkî ra cengî rê rayberîye kerde û bi zilgitan vejîyaye verê dişmenî. Zelele warê Şeşdara dişmenî rê kerd cehenem.

Zelale nameyê Fermandare Zelale Mardîn girewtbi ke fermandarêka efsanewî bîye.Hîkayeya Zelale Sîdem wina dest pêkerdbi.

Zelale Sîdema amedije Cengê Heftanîn de sey gerîlayêka YJA-Starî ca girewt û xeylêk waran de têkoşîn kerd. Zagros de a şerwana Fermandar Reşît Serdarî bîye.  Zelale wexto ke vejîyayêne vera dişmenî tim vatêne: ''Ma şerwanê Reşît Serdarî yê, ma do versîya şima zî nê erdî de nêverdê.'' Aye Cengê Heftanînî de hema hema rayberîya pêro xoverdayîşan kerde.

23ê temmuze de şehîde bîye. Wexto ke embazêka ci şehadetê aye eşnawit wina vat: ''Wexto ke Zelale eşnawitêne ke dişmen ho yeno Şeşdara zaf hêrs bîyayêne. Vatêne 'senî dişmen eşkeno bêro tîya.' A ruhê hêrişî bîye. A sey Reşît Serdarî vera dişmebî hêrsbîyaye sey Rojîn Gewda koyan ra şîyêne. Eke embaze Zelale zî şehîd bîye gereka ma nê şerî de ser bikewê.''