Endama Komîteya Merkezî ya PKKyî Hêlîne Umît Medya Haber TV de rojdem ercna.

Qiseykerdişê Hêlîne Umît ra tay noqtayê girîngî wina yê:

''Vera Rayberîya ma sîstemê tecrîdî û îşkenceyî yê Îmraliyî giranêr beno. LA her ke şino dinya hîna zaf dormeyê Rayber Apoyî de yena pêser. Şexsê Rayber Apoyî de şarê kurdî yeno tecrîdkerdene. Rayber Apo kesêko normal nîyo. O raştîya şarêkî temsîl keno. Faşîzmê AKP-MHPyî bi sîstemê Îmraliyî şaran rê şerî ferz keno. A raşte îqtîdar û dewleta tirke bi şerê vera kurdan vera şaranê Tirkîya şer kenê. Ewro seba azadîya Rayber Apoyî têkoşînêko pîl yeno kerdene. Bi taybetî ciwanî û dadîyê kurdî xoverdayîşêkê bêhempayî kenê. Hetê bînî ra asta globale de seba azadîya Rayberîye xîretî est ê. 

Ez ancî 8ê Adare pêro cinîyan rê fîraz kena. Dinya de vera vera têgêrayîşê cinîyan ferasetê 8ê Adare kenê pîlêr. Cinîyî her roje raştê hêrişanê sîstemê serdestîya camêrdan yenê. Coka ganî cinîyî her roje bikerê 8ê Adare. Têgêrayîşê cinîyan resayî a aste ke hînî îdeolojîyê kanwazî nêeşkenê cinîyan bixapînê. Çalakî û aktîvîteyanê 8ê Adare de ma na raştîye dîye. Rayberîye bi xo kedêka pîle daye rêxistinî û artêşbîyayîşê cinîyan. Bi taybetî tecrubeyê ma yê Yewîya Cinîyanê Azadan a Kurdîstanî (YAJK) prosesêko efsanewî bi. Nameyê ci zî Rayberîye nabi pa. Rayber Apoyî tim seba azadî û rêxistinîya cinîyan xebatî kerdî.

Ez şehîdanê Qirkerdişê Helebçe, Gazî û Qamişloyî bi rêzî yad kena. Ewro hema zî vera kurdan û elewîyan hêrişê qirkerdişî dewam kenê. Hema zî vera kurdan polîtîkayê înkarî yenê caardene. Bi qirkerdişî ciwîyayîş yeno manaya nêciwîyayîşî. Ma mehkumê nakokîya 'ya azadîye yan zî qirkerdişî' nêbê. Nika Gazze de Îsraîl vera şarê Filîstînî qirkerdişêkê pîlî kena. A raşte qirkerdişê vera şarê kurdî qirkerdişê vera şarê Filîstînî ra wetêr o. Coka erkê ma o yo ke ma têkoşînê xo yê azade bi vengêkê berzêrî dinya rê vajê û rêxistinbîyayîşê xo aver berê.

Şer teyna Herêmanê Pawitişî yê Medya de ney her ca de yo. La ê Herêmanê Pawitişî yê Medya şerêko serkêş û giran o. Artêşa tirke ya îşxalkere payîz û zimistanî de bi Operasyonanê Şorişgêran ê gerîlayan derbê giranî werdî. La hema zî dewleta tirke şer de israr kena. Gerîlayî çalakîyanê do dewam bikerê. Dewleta tirke seba ke bêra xo ser wazena operasyonanê neweyan bikera. Agahîyê winayênî yenê ma ke PDKyî hêzê xo şawitê Metîna, hetkarîya artêşa tirke. Çew hendê kokanê xo rê dişmenîye keno? Dewleta tirke xayînanê sey PDKyî ra nêbo nêeşkena operasyonanê xo bikera.

Dewlete seba ke îradeyê şarê kudî bişikna prosesê weçînayîşan de polîtîkayanê xo yê şerê taybetî ancî ana ca. Şarê kurdî keno ke şaredarîyanê xo apey bigêro. Şarê kurdî şarêko şorişgêr o. Ma zanenê ke AKP û dewleta tirke Vakurê Kurdîstanî de weçînayîşanê 31ê adare ser o kayan kay kenê. Ganî şarê ma verê înan de hişyar bo, şoro raya xo bido.

Na Newroze Newroza Rayberîye ya 52ine ya. Rayberîye yew roja Newroze de têkoşînê estbîyayîşê kurdan dabi destpêkerdene. Dima şarê kurdî bi Newroze. Ganî na Newroze de kurdî û azadîgirî ferasetê xo newe bikerê û bi coşî têkoşînê vera faşîzmî berz bikerê. Ez venga her kesî dana ke tewrê şayîyanê Newroze bibo. Ganî na Newroze de vengê şarê kurdî pêro dinya rê tesîr bikero.''