Fermandaranê HPGyî ra Zinar Sason (Fadil Ekîncî) 10ê adara 2020î de herêma Zapî de bombardumanêk de şehîd bibi. Fermandarê HPGyî Dijwar Oremarî serrgêra yewîne ya şehadetê Zinar Sasonî de qala cuye û kesayetê ey kerde.

Dijwar Oremarî vat: ''Embaz Zina fermandarêko mîsal bi. Embaz Zinar  wanij bi la xo sey geverij hesbinayêne û herêma Geverî  ra zaf hes kerdêne. Ey ma ra zêdêr herêma Botanî şinasnayêne.  Embaz Zinarî tim mesuldarîyê pîlî girewtêne xo milî û tim bilîyê şarî, meseleyanê şarî bi. Wexto ke meseleyêka şarî bîyêne ey cade waştêne mesele safî bikero. Tim bi nê hawayî xîret kerd, embazanê xo rê hetkarîye kerde.

Wexto ke embazî wezîfe ra anêgêrayêne embaz Zinarî ne nan werdêne ne zî hewn kewtêne çimê ci. Embaz Zinar 10ê adare de şehîd bi. Şahadetê ey ma zaf dejnayî. Çunke ma zanayêne ke kesayet û fermandarîya ey senî rind bîyî. Xeylêk reyî ma nîqaşî kerdî. Ey waştêne merdimî partîye hîs bikerê. Bingeyê têgêrayîşanê ey de tim no bi.

O merdimêko zaf zerrînimz bi. Ma sere de keyeyê ci rê her kesî rê serweşîye wazenê. Sey embazanê ci mesuldarîya ma ya ke ma qesasê embaz Zinarî bigêrê.''