Hêrişê îşxalî yê dewleta tirke yê vera Heftanînî dewam kenê. Gerîlayê HPGyî heta peyêne xo ver danê. Firat Çekdar zî Cengê Heftanînî de ca gêno. Çekdarî îfade kerd ke dewleta tirke serrêke ra nata hêriş kena la çîyêk nêvîsto destê xo.Çekdarî pare kerd ke dewleta tirke têna Xantûrî ser o şewêke de 72 bombayî varnayî û netîceya şerê 3 rojan û 3 şewan de dewleta tirke derbê giranî werdî.

Çekdarî ard ziwan ke şerê Pîrbûla de seba dewleta tirke dersêko pîl estbi. Çekdarî vat: ''Dişmenî waşt herême îşxal bikero. Ma dormeyê dişmenî girewt û vist ci. Xeylêk leşker û cergê dişmenî remayî. Pîrbûla de rixmê teknîk û hêrişanêr hewayî gerîlayî şer kerd. Dişmen wazeno  Başûr îşxal bikero. Tewr peyên dewa Banikî de 3 keyeyî vêşnayî.

Armancê înan têna PKK nîyo. Labelê ma do sey gerîlayan nêverdê ke ê erdê ma îşxal bikerê û şarê ma qir bikerê. Senî ke ma Heftanîn de planê înan ser û bin kerdî ma do nêverdê ke erdê ma yê fîrazî îşxal bikerê. Tewirê ma yê vera dişmenî do her tim xoverdayîş bibo.''