Kaan Kutuko ke wexto ke çalakîya vera tepişîyayîşê Ekrem Îmamogluyî de, Saraçhane de cinîyêke şîdetê polîsan ra xelisnayêne bi îşkenceyî amebi destbendkerdene. Dadîya ey Candane Kutuk ajansê ma rê qisey kerd û da zanayene ke lajê ci îşkence dîyo.

Candan pare kerd ke polîsan bi gazê îsotî hêrişê lajê ci kerdo, dima zî bi jopan û kaskan îşkence kerdo. Candane vat: ‘’Polîsan sereyê lajê mi şikito û wexto ke hişê ci şîyo o destbend kerdo. Wesayîtê polîsan de o 8 saetan bi kelemçeyanê çepkîyan ameyo tepiştene. Serê destanê ey de rêçê cixareyî zî est ê.

Mi roşan de Zîndanê Marmara de lajê xo zîyaret kerd. Rîyê ey mor û kes bibi, pirnikê xi şikîyaye bi. Parsûyê ci zî dejayêne.’’

Candane waşt ke wa polîsê îşkencekerî bitepişîyê û vat: ‘’Domanê ma bêgune yê. Ma qêmîşê domananê xo nêbenê la polîsan heta nînan ra ameyo îşkence kerdo.’’

Kaano 23 serre 24ê adare de bi bira mehkeme tepişîyabi û erşawîyabi zîndanê Marmara.’’