Gerîlaya YJA-Starî Bêrîtane Xakurkê û gerîlayê HPGyî Xebat Mêrdînî bi wesîleya serrgêra şehadetê Fermandare Bêrîtane Hêvî (Gulnaze Karataş) ANFyî rê qisey kerd.

Gerîlaya YJA-Starî Bêrîtane Xakurkê da zanayene ke a seba ke zaf binê tesîrê ci de menda nameyê Fermandare Bêrîtane xo rê weçînayo û vat: ''Ma teqîbkerdoxê embaze Bêrîtane yê. Ma xeta ey ser de şinê. Fîlmê serê embaze Bêrîtane zaf tesîrê mi kerdbî. Coka mi no name weçîna. Bêrîtane bîyayîş asan nîyo. Ez tim kena ke biba layîqê nê nameyî.''

Gerîla Xebat Mêrdînî vat: ''Wexto ke mi mîyanê gerîlayan de embaze Bêrîtane ser o cigêrayîş kerd, aye zaf tesîrê mi kerd. Embaze Bêrîtane xeta xo heta peynî pawite. Ma zî sey teqîbkerdoxanê aye xeta aye ser de şinê. Koyanê Kurdîstanî de ma û embazê ma yê cinîyî bi têkoşînê xo sey Bêrîtane şer kenê û derban danê dişmenî ro.''