Behzad Mahmûdîyê rojhelatijî semedê şert û mertanê xiraban ra şaristanê Hewlêrî yê Başûrê Kurdîstanî de verê Ofîsê Neteweyan ê Yewbîyayeyan de bedenê xo dabi adirî ver. Mahmûdîyî dinyaya xo bedilnaye.
Behzad Mahmûdîyo ke verê Rojhelatê Kurdîstanî de pêşmerge bi semedo ke cezaya dardekerdişî dîyabî ci şibi Başûrê Kurdîstanî.
Mahmûdîyo 25 serre 18ê gulane de şibi verê Ofîsê Neteweyan ê Yewbîyayeyan û hetkarîye waştbi. Semedo ke cewab nêdîya waştişê ey Mehmûdîyî hem seba şermezarkerdişê NYyî hem zî seba şermezarkerdişê Hukmatê Herêma Kurdîstanî verê kamerayan de benzîn kerd xo ser û bedenê xo da adirî ver.
Mahmûdî wedarîyabi Nêweşxaneyê Hewlêrî. 6 rojan ra dima 24ê gulane de Mahmûdîyî servîsê ciewnayîşê giranî de dinyaya xo bedilnaye.
Mahmûdîyî çalakîye ra verî wina vatbi: ''Gelo seba karanê xo yê sîyasîyan ganî ez nê halî de biba? Na cu ya? Çar serrî yo sey kutikan ez bêkeye yê. Eke ez abigêra Îran do bêra dardekerdene. Tîya de zî park, camî û înşaatan ra ber cayêk çin o ke ez tede bimana.''
Mahmûdîyî şaristanê Bokanî de serra 2017î de seba statuyê sîyasîy muracatê NYyî kerd. Mahmûdîyî îfade kerdbi ke PDK multecîyanê kurdan visneno vêşanîye û NYyî zî cewan nêda waştişê ci yê hetkarîye.
