Milîsanê Azadîya Kurdîstanî (MAK) derheqê çalakîyanê xo de eşkerayîyêke daye.

MAKî vat:

''3yê kanûne de milîsanê ma vera Qereqolê Polîsan ê 75. Yilî taxa Kişla ya Geverî de çalakîye kerde, teqaberî û fîşekî eştî. Îşxalkerî hêverî nêeşkayî bîna ra vejîyê la dima bi wesayîtanê zirxînan taxe ra gêrayî.

Milîsanê ma 4ê kanûne de zî taxanê Cumhurîyet û Bahçelîevlerî yê Êlihî de vera di wesayîtanê dewleta îşxalkere çalakîyî kerdî. Wesayîtî ameyî vêşnayene û îmhakerdene.

Şarê ma vera îşxalê Rojawanî xoverdayîşêkê bêhempayî keno. Ganî şarê ma seba Rojawanî seferber bibo û vera îşxalî têbigêro. Ma bi çalakîyanê xo xoverdayîşê Rojawanî selam kenê. Ma do xoverdayîş û têkoşînê xo rê dewam bikerê.''