72 rojî yo derûdorgirewtiş û ambargoyê selahîyetdaranê Herêma Kurdistanî yê vera Kampa Multecîyan a Rûstem Cûdî (Mexmûr) dewam keno. Nêweşê ke ganî şorê Hewlêrî, yenê astengkerdene. Dermanî nêweşxaneyan de kêm bîyî û bi seyan karkerî zî nêeşkenê şorê ser karanê xo.

Seba wedaritişê nê derûdorgirewtişî Mayê Haştîye yê Kampa Multecîyan a Şehîd Rûstem Cûdî (Mexmûr) binê şer û mercanê zoran de zî 27 rojan ra nata verê PDK'yî de mabênê Hewlêr û Mexmûrî de çalakîye de yê. Mayê Haştîye yê Mexmûrî şew û roja xo uca  derbas kenê. Asayîşê PDK'yî rayîr nêdano ke werdiş û şimitiş zî seba dayîkan bêro û ekîpa weşîye zî zîyaretê dadîyan bike. Hewteya vîyarte de mayêke nêweş bî û ameye berdene bi nêweşxaneyî. Nika zî mayê ke uca yê  hewcedarîya înan bi doktoran esta, la asayîş rayîr nêdano ke kes zîyaretê înan biko.