Dimayê pîrozkerdişê Newroza Amedî ke bi şîarê “Ma do qetîyen bi ser bikewê, tecrîdî bişiknê” bi tewrbîyayîşê se hezaran kesan amebi viraştene 110 kesê ke pîrozkerdişî ra agêrayêne keyeyê xo ameybî destbendkerdene. 

Dimayo ke kîtle vila bîbî polîsan ca bi ca mudaxele kerdibi û tayê kesî destbend kerdîbî. Kesê ke ameybî destbendkerdene Mudurîya Asayîşî ya Amedî de yenê tepiştene.

Çeqer, Sûr û Hewz

Goreyê hayîdarîyanê ke avûkatan ra ameyî girewtene êyê ke ameyê destbendkerdene zafaneyê înan cinî yê. Mazeretê destbendkerdişî zî pûşîyê çeqer, sûr û hewzî bîyê ke verê nuqtayanê cigêrayîşî yê polîsan de roşîyayêne.