Meclîsê Xoserîya Demokratîke yê Şingalî (MXDŞ) bi eşkerayîyêka nuştekîye Çarşema Serê Nîsane fîraz kerde.

MXDŞyî bla ante ser ke şingalijî rojanê zehmetan ra derbaz benê û Şingalî ser o xeylêk planî yenê amadekerdene.

Eşkerayîya MXDŞyî wina dewam kena: ''Ganî hemwelatîyê ma wayîrê Şingalî vejîyê, wezîfeyê xo bîyarê ca. Seba ke şingalijî hînî dej nêancê wa her kes taybetmendîyanê êzidîyan bigêro verê çimanê xo. Rixmo ke Iraq, Tirkîya û PDK çinkerdişê Şingalî ser o planan kenê şarê ma pê ruhê xoverdayîşî Çarşema Serê Nîsane pêşwazî keno. Wa şarê ma na roje mesajan bido dişmenî. Wa şarê ma vaje ke êzidîyî rixmê ferman û hêrişan bawerîya xo war nêverdenê. Wa şarê ma pê coşî Çarşema Sore fîraz bikero û bi nê hawayî bimojno ke Şingal veng nîyo. Seba na roje ma bedelê giranî dayî. Seba ke şarê ma wina bi hawayêkê azadî biciwîyo heta peynî ma do rêçê şehîdan de bê û pê têkoşînê şarê xo xoserîya Şingalî bîyarê ca.''