26ê êlula 2020î de xortê eşîra Şemirî mabênê Til Izêr û Şingalî de kişîyabî. Pê îdîaya kiştişê ciwanan ê ereban 4 ciwanê êzidîyê ke 20 serrî ra qijêr ê, hetê hêzanê Iraqî ra tepişîyayî.

Mehkemeya Mûsilî cezaya dardekerdişî daye 4 ciwananê Şingalî. Seba caardişê bire ganî serekkomarê Iraqî Berhem Salih îmza bido.

Meclîsê Xoserîya Demokratîke yê Şingalî (MXDŞ) derheqê mesele de eşkerayîyêke weşanaye. Hemsereka Meclîsî Xezale Reşo eşkerayîye wende û pare kerd ke bira dardekerdişî birêka sîyasî ya.

Eşkerayîye de wina ame vatene: ''Hukmatê Iraqî têna vera komelê êzidîyan qanûnan ano ca. Înan bi hezaran cergê DAÎŞî tepiştî ke destê înan de gonîya êzidîyan esta la cezaya dardekerdişî nêdîyaye nînan. Ma sey Meclîsê Xoserîya Demokratîke ya Şingalî venga şarê xo danê ke vera neheqîya serê ciwananê ma bêveng nêmane, vejîyo kuçeyan. Eke ma bêveng bimanê siba nê pê bahaneyanê cîyayan ma zî bitepişê. Ma nê nêzdîbîyayîşê hukmatê Iraqî sey fermanêkê neweyî vînenê.''