“No şarê min o ke hezar serrî yo tîya binê zordarî û zereyê şerê giranî de yo, her çiqas ke erey bo zî, seba ke wayîrê Rayberê sey to yo, şansin o. Naye ra zî tarîxê estbîyayîşê to, dişmenî rê yew nê, hezar dolime merdene ya.”
15’ê Sibate 1999 de Rayberê Şarê Kurdî Abdullah Ocalan, bi komploya mîyanneteweyîye esîr ame girewtene û rejîmê dewleta Tirkî heta ewro bi tecrîdê giranî yê teberê merdimahîye yê bêhiqûqî hepisxane de pê gêna. Destpêkerdişê hereketê azadîye ra nat cinîyî, her tim mucadele de vernî de bîye. Çunke Rayber Ocalan felsefeya azadîye ya xo de cinîyan sey bingehê azadîya komel û merdimahîye vîneno.
Bi hezaran kêna û xortanê Kurdan, mucadeleyê azadîye yê Kurdîstanî de, bi hawayêkê fedakarî canê xo da. Nê fedakaran ra yewe zî şehîd Bermale (Guler Ortaç) ya. Şehîd Bermale 29’ê Teşrîna Verêne 1996 de, merkezê bajarê Sêwasî de bi çalakîya fedayîye şehîd bîye. Şehîd Bermale rojnuşteyê xo de, seba Rayber Ocalanî wina vatbî:
MUCADELEYÊ RAYBERÎYE XO RESNAYO AZADÎYE
“Rayberê min o hêja; no şarê min o ke hezar serrî yo tîya binê zordarî û zereyê şerê giranî de yo, her çiqas ke erey bo zî, seba ke wayîrê Rayberê sey to yo, bişans o. Naye ra zî tarîxê estbîyayîşê to, dişmenî rê yew nê, hezar dolime merg o. O yo ke heta peynîye îdeolojîya sosyalîstî temsîl keno û rastîya ci paweno reyna ti yî. No şerêko winasî yo ke heta peynîye vera nêheqîye yo. Hêjayîya to zî, tîya de vejîna meydan û qet kes naye qasê şarê Kurdî zelal û eşkera nêeşkeno fehm bikero û bivîno. Cinîya Kurde heta ewro hem hetê fikrê feodalî, hem zî hetê sîstemê îşxalker ê dişmenî ra sey kole ameyêne dîyayene û belengaze bîye. Bi saya mucadeleyê to, cinîya Kurde ewro reşta azadîya xo. Ewro cinîya Kurde hem vera çekdaranê îşxalkeran de, hem zî vera hêzanê kanperestan şerêkê bêemsalî dana û no mucadele zî perspektîfê Rayberîya to ra yeno. Cinîya ke wazena sey merdiman biciwîyo, wazena şerefê xo bişevekno, enerjî û bawerîya xo ganî to ra bigîro.
Rayberê min o hêja; ez pêro hêz û emrê xo bida şarê xo zî, vera ked û xebatanê to de qet çîyêk nîyo.Warekna can û laşê mi ra hîna çîyê qîymetinî bibîyêne û mi bidayêne nê mucadeleyê pîrozî. Waştena min a tewr pîle a bîye ke warekna mi perwerdeyê to yê parî bigirewtêne. Çi heyf ke seba mi mumkin nêbî. La mi bi talîmat û perspektîfanê to, tim xo nêzdîyê to dîyêne. Ma wayîrê Rayberîye ya winasîye yê ke vera nêheqî û zordarîye de, vera dişmenê tewr xedarî yê dinayaye de şer keno.“
