Komeleya Rojnamegeran a Dîcle-Firatî (DFG) raporê xo yê nîsane rayaumûmîye de pare kerd. DFGyî bale ante ser ke 3ê gulane Roja Azadîya Çapemenîye ya û îfade kerd ke na roje de zî teda, sansur û qedexeyê vera çapemenîye dewam kenê.

DFGyî dîyar kerd ke çapemenîye tim hedefê hêrişanê îqtîdarî de ya û vat: ''Rojnamegerî nêeşkenê bi hawayêkê azadî bixebitê. Rojnamegerî tim binê astengî û gefan de manenê. Polîsî bi asanî rojnamegeran destbend kenê.''

DFGyî raporê xo de nê doneyî vila kerdî: ''Nîsane de 60 rojnamegerî hema zî zîndan de yê, 4 rojnamegerî ameyî destbendkerdene, rojnamegerêk zî tepişîya, 2 rojnamegerî raştê hêrişî ameyî û 16 xeberî û 10 keyepelê înternetî ameyî astengkerdene.''