Mêrdîn de 13 sîyasetmedaran rê cezaya zîndanî ya 6 serran
21 sîyasetmedarê ke îdareyê xoserî yê Dêrikî ra ameyêne muhakemekerdene 13ê nînan rê bi îfadeyanê ''şahîdanê nimiteyan'' cezaya zîndanî ya 6 serran û hîrê mengan dîyaye.
OPERASYONÊ VERA SÎYASETÊ KURDAN
21 sîyasetmedarê kurdî seba ke 2015-2016 de qezaya Dêrikî ya Mêrdînî de îdareyo xoser amebi îlankerdene ameyêne muhakemekerdene. Dewaya vera sîyasetmedaran ameye kerdene.
Dewaya ke Mehkemeya Cezaya Girane de ameya dîyene tede sîyasetmedar û avûkatê nînan amade bîyî. Dozgerî ancî waşt ke 21 kesan rê cezaya zîndanî wa bêra dayene.
Avûkatan waşt ke sîyasetmedarî vera bidîyê.
Sîyasetmedarî Adil Dolcek, Hamdûllah Dûran, Îbrahîm Ektîren, Mehmet Siddik Şanli, Nûrettin Ektîren, Remzî Kiran, Sedat Mercen û Zeynep Demîr dewa de vera dîyayî.
La bi îfadeyanê ''şahîdanê nimiteyan'' sûcdarîya ''endamîya rêxistine'' ra cezaya zîndanî ya 6 serran û hîrê mengan dîyaye Abdûlhamit Aksoy, Bedirxan Ektîren, Bedirxan Eye, Bedran Savûcû, Cengîz Gezer, Îhsan Demîr, Mahmût Aktaş, Mehmet Bîlgen, Mehmet Siddik Aksak, Mehmet Şîrîn Eye, Ramazan Ozdogan, Semih Bîlgen û Tarik Ektiren.
