Fermandarîya Qerargehê Merkezê Pawitişî yê Şarî bi seba çalakîyanê serkewteyan ê ke Heftanînî de ameye viraştene mesajê pîrozkerdişî weşana. Eşkerayîye de ame vatene, “Ma hemrayanê Apoyî yê fedaîyan ê ke tewrê  çalakîyan bîyê û nê çalakîyî bi hawayêkê afernayoxî viraştê pîroz kenê.”

Eşkerayîye de ame vîrardene ke çarçeweya Hemleya Şorişgêre ya Cengê Heftanînî de 2ê çeleyî de Qilê Konferansê Girdî  û 13ê çeleyî de nêzdîyê Qilê partîzanî de çalakîyê bitesîrî ameyî viraşene û ame vatene: ''Nê çalkakîyê ke xeylêk leşkerî ameyî kiştene û gerîlayî kewtê mezîyanê dişmenî  çalakîyê serkewte û netîcegirewtox ê. Ma heme hemrayanê ke tewrê çalakîyan bîyê û fermandarîya şima zerrî ra pîroz kenê. Plankerdiş û bicaardişê çalakîyanê ke hêzanê şima yê eyaletî çarçewaya Hemleya Şorişgêre bi taktîq û tewirê neweyî viraştî bi cesaret û afernayoxîyêka xurte de bîyî yew û bi nê hawayî netîce girewt.  Ma hemrayanê ke tewrê nê çalakîyan bîyê û çalakîyî bi hawayêkê afernayoxî viraştê reyna pîroz kenê, înan rê serkewtiş wazenê. Şexsê şima de heme hêzanê eyaletî bi heskerdiş û hurmet silam kenê. Bi hîsanê şorişgêran ê zerrî ra ma şima heminan rê serkewtiş wazenê.''